ՙՙԽոսքի զարգացում

           Ինչպես գրել 3-5 տարեկան երեխաների համար և                            հարմարեցնել երեխաների ընկալմանը
                                                                     
                                                                     Արեգակ     
Արեգակը շատ տաք է,գունդ է և շատ հեռու է:Արեգակը նույնպես աստղ է առանց որի մենք չենք կարող ապրել:Մենք չենք կարող ապրել առանց լույսի  և ջերմության:Մարդիկ հին ժամանակներում արևին աստված են համարել:Արեգակը երկնքում նման է փոքրիկ վառվող լույսի,որը շատ հեռու է:Արեգակը շատ շատ մեծ է երկրագնդից,պարզապես նա շատ հեռու է դրա համար նա շատ փոքր է թվում, և եթե արեգակը լիներ օրինակ պլաստիլինից նրանից կարող էինք պատրաստել շատ- շատ երկրագնդեր:Արեգակի վրա ջերմաստիճանը շատ բարձր է,այնտեղ անգամ քարերը կարող են հալվել:Այդ ջերմությունը այնքան է տարածվում, որ հասնում է մեզ:Արեգակի լույսը շատ ուժեղ է և առանց ակնոցների նայելն արևին վնասակար է աչքերի համար:Ամռանը արեգակը շատ է տաքացնում մեզ,իսկ ձմռանը արեգակը ավելի հեռու է մեզանից դրա համար է ցուրտ լինում:Եթե հնարավոր լիներ արեգակի ջերմությունը վերածել վառելիքի,ապա շատ երկար տարիներ մենք վառելիք կունենաինք:                                                                                                         
                            
                                     

   
                                                 Բնության երևույթներ 
                                                                      Ձմեռ 
                               Մեթոդական  փաթեթ    

Ձմեռը տարվա ամենացուրտ  եղանակն է այն գալիս է աշնանից հետո:Ձմռան օրերը ամենակարճն են,իսկ գիշերները ամենաերկարը:Ցերեկվա կարճ օրերի և արեգակի հեռու լինելու պատճառով ձմռանը ավելի ցուրտ է լինում:Ձմռանը ցերեկվա ժամերը կարճ են մոտավորապես 9 ժամ:Ձմեռվա ամենացուրտ ամիսներն են՝դեկտեմբեր,հունվար,փետրվար:                              
         

Ձմեռ

Ծառը մերկացավ,
Զրկվեց տերևից,
Ձյունի փաթիլներ
Իջան վերևից։

Ձյուն ու ցուրտ եկան,
Առու, գետ լռեց,
Իր արծաթ գորգը
Ձմեռը փռեց։

Ձյունը ծնկահար
Նստեց մեծ ճամփին,
Սպիտակ հյուսերը
Կիտեց գետափին։

                 
                       

                     
                                                              Ձյուն     

Ձմռանը, երբ շատ ցուրտ է, ջուրը սառչում և սա­ռույց է դառնում։ Իսկ օդում անձրևի կաթիլները սառ­չում են, դառնում սպիտակ փաթիլներ և թափվում ցած։ Ձյունը սպիտակ գորգի նման նստում է ծառերի ճյուղերին, ճանապարհներին, տանիքներին։

Եթե շատ ցուրտ չի լինում, ձյունը թաց ու կպչուն է դառնում։ Դրանով կարելի է ձնեմարդ պատրաստել և ձնագնդի խաղալ։ Իսկ երբ շատ է ցրտում, ձյունը սառչում է, և նրանից ոչինչ սարքել չի լինում։ Դրա փոխարեն սառած ձյան վրա կարող ես դահուկ քշել։  

Գարնանը, երբ ջերմաստիճանը բարձրանում է 0 աստիճանից բարձր, ձյունը հալվում  է և դառնում  ջուր։                                


                      

ԱՌԱՋԻՆ ՁՅՈՒՆԸ

― Վա՜յ, մայրի՛կ ջան, տե՜ս,

Բակն ու դուռը լի

Ինչքա՜ն սպիտակ

Թիթեռ է գալի…

Էսքան շատ թիթեռ

Չեմ տեսել ես դեռ։

― Չէ՛, իմ անուշիկ,

Թիթեռներ չեն էտ.

Թիթեռներն անցան

Ծաղիկների հետ։

Էտ ձյունն է գալի,

Փաթիլն է ձյունի,

Որ կարծես սպիտակ

Թիթեռնիկ լինի։

                                                                                                               Հ.Թումանյան
                                                           

                               Սառույց 
Ուշ աշնանը կամ ձմռան սկզբին, երբ ջերմաստի­ճա­նը 0 աստիճանց ցածր է դառնում, փողոցի ջրա­փո­սե­րի ջուրը սառչում է և դառնում է սառույց։ Շատ ցուրտ վայրերում սառույցով կարող են պատվել նաև գետերն ու լճերը։
Սառույցը շատ հարթ ու սղլիկ է, դրա վրա պետք է շատ զգույշ քայլել, թե չէ կարող ես ընկնել։
Ձմռանը բակում կամ սահադաշտում կարելի է սահել սառույցի վրա չմուշկներով կամ սահնակով։
Իսկ գարնանը, երբ ջերմաստիճանը բարձրանա 0 աստիճանից բարձր, սառույցը նորից կհալվի և ջուր կդառնա։



                       

                                                                  Քամի

Երբեմն, երբ նայում ես պատուհանից, կարող ես տեսնել, թե ինչպես են շարժվում ծառերի ճյուղերը, ասես ձեռքով են անում։ Իրականում ոչ թե ծառն է շարժում ճյուցերը, այլ քամին այնպես ուժեղ է փչում, որ ճյուցերը այս ու այն կողմ են ծռվում։Քամին կարող է լինել թույլ և տաք կամ ուժեղ և սառը։ Ուժեղ և ցուրտ քամուց պետք է պաշտպանվել։ Աշնանը կամ ձմռանը քամուց քեզ կարող են պաշտպանել տաք վզնոցն ու գլխարկը։

 

                                 

           
                                          

ՔԱՄԻՆ

— Ո՜ւ-ո՜ւ-ո՜ւ…

Քամին է, քամին,

Տես անզգամին.

Բերան չունի՝ փըչում է,

Թևեր չունի՝ թռչում է,

Ձեռքեր չունի՝ քաշում է,

Իմ փոքրիկին քըշում է։

Կորի՛, դու քամի,

Անպիտան քամի։

Մի վախի, ջանիկ,

Փեշըս պինդ բռնի,

Ես թող չեմ անի,

Քամին քեզ տանի։ 

                                                   Հ.Թումանյան        

                           
                          Ուսուցանող  խաղ  ձնագնդիներով                   

Սովորում  ենք  ձնագնդիներով   հաշվել  մինչև   10-ը: Իջնում  ենք  բակ  երեխաները  սկսում  են  սարքել  ձնագնդիկներ,  հետո   ձնագնդիկները   հաշվում  և  գցում   դույլերի  մեջ,  որպեսզի   նորից   վերհիշեն   ձնագնդիկները   դույլերից   դատարկում  են   նորից    հաշվելով:



       Սովորում   ենք   երկրաչափական   մարմինները
                                                                                                                                                                  Վերցնում   ենք   մեզ   հետ   երկրաչափական   մարմինների   տեսքով   կաղապարներ  (շրջան , քառակուսի , գլան , եռանկյուն)  բակում   սկսում   ենք  կաղապարների   մեջ   ձյուն   լցնել   սեղմում   ենք   և   ստանում    ենք   ձյունից   սարքված   երկրաչափական   մարմիններ ,  և   խաղում   ենք   և   սովորում: